Shqipëria vitin e ardhshëm bëhet me aeroport të ri, atë të Kukësit (VIDEO)

Kryeministri Edi Rama ka publikuar mëngjesin e sotëm një video në Facebook, për projektin e aeroportit të Kukësit, që është në proces ndërtimi.

Sipas shefit të qeverisë, aeroporti do të përfundojë brenda vitit të ardhshëm.

😃
😊

“MIRËMËNGJES 
dhe duke ndarë me ju kënaqësinë e këtij video-imazhi nga projekti i terminalit të pasagjerëve në aeroportin e ri të Kukësit, ku po punohet intensivisht për realizimin e projektit brenda vitit të ardhshëm, ju uroj një ditë të mbarë”, shkruan Rama në Facebook, shkruan Top Channel.

Aeroporti i Kukësit e ka përfunduar ndërtimin e tij në vitin 2006, por nuk është vënë asnjëherë në përdorim. Qeveria ka deklaruar se dhënia me koncesion do të mundësojë që përmes këtij aeroporti të fluturojnë mbi 300 mijë udhëtarë në vit me çmime low-cost.