Thaçi: Lugina e Preshevës duhet t’i bashkohet Kosovës

Presidenti i Kosovës, Hashim Thaçi ka shprehur qëndrimin se Lugina e Preshevës duhet t’i bashkohet Kosovës dhe se për arritjen e këtij qëllimi nevojitet unitet. Sipas tij, realizimi i këtij synimi paraqet korrigjim të padrejtësive historike.

Postimi i plotë i presidentit Thaçi në FB:  

E drejta e përfshirjes së Preshevës, Bujanocit dhe Medvegjës me Republikën e Kosovës është legjitime, korrigjim i padrejtësive historike dhe siguri për qytetarët e asaj treve për të jetuar në trojet e tyre.

Kjo përpjekje ka ndalur së realizuari angazhimet e sofistikuara që veriu i Kosovës t’i dorëzohet Milan Radojçiqit, fillimisht pasuria e Trepçës, për të vazhduar me transformimin e pasurive shtetërore në ato komunale (katër komunat e veriut) dhe, po ashtu, ka parandaluar planet për sovranitet të dyfishtë dhe asociacion me mandat ekzekutiv, modeli i Republikës Serbe, pra autonomi rajonale.

Vazhdoj të besoj fuqishëm se Lugina e Preshevës duhet t’i bashkohet Kosovës dhe për arritjen e këtij qëllimi ne duhet të jemi të bashkuar. Humbja eventuale e kësaj mundësie, do të jetë gabim historik i pariparueshëm! HTH