19-vjeçari, Patriot Behrami, dëshmoi se është shpresë e madhe e boksit kosovar

Boksieri ynë, Patriot Behrami, nuk ka arritur të kalojë edhe pengesën Lorenzo Sotomayor, nënkampionin Olimpik Rio 2016 dhe kampion i tanishëm nga Lojërat Evropiane Baku 2015.

Behrami dha maksimumin, por vendimi i gjyqtarëve ishte në të mirë të kundërshtarit të tij. 19-vjeçari dëshmoi se është shpresë e madhe e boksit kosovar.

Arritja në 8 boksierët më të mirë nga 32 pjesëmarrës në Lojërat Evropiane Minsk 2019, është sukses i madh për boksierin tonë, të cilit i dëshirojmë fat dhe suksese në garat e ardhshme ndërkombëtare.