A do të njihet shteti i Kosovës, Duda Balje flet për raportet me Bosnjën

Duda Balje flet për raportet me Bosnjën, a do të njihet shteti i Kosovës?

Kryetarja e partisë Unioni Social Demokratik, Duda Balje thotë se aktualisht nuk ka vullnet nga ana e lidershipit në Bosnje dhe Hercegovinë për të njohur shtetin e Kosovës.

Ajo thotë se ka pasur disa përpjekje nga ajo në këtë drejtim por nuk kanë rezultuar me sukses.

“Kam provuar me hapë një zyre ndërlidhëse në mes të Bosnjës dhe Kosovës”, thotë ajo në emisionin “Tête-à-tête me Adelinen”.

Sipas saj, një gjë e tillë nuk është pranuar nga shteti boshnjak.

“Ne jemi gati, por ata jo’, shtoi ajo.

“Për ne është shumë e rëndësishme përkrahja e Bosnjës”, thekson Balje.

Por sipas saj, përpjekjet nuk do të ndalen.

“Ata kanë me refuzu disa herë por ne do të provojmë sërish”, shtoi Duda Balje.