Aheng në qytetin e Gjakovës, policia shpërndan mysafirët

Policia e Kosovës ka njoftuar se të dielën ka ndaluar një aheng në Gjakovë.

Sipas raportit 24-orësh, 70 mysafirët janë shpërndarë, ndërkohë që ka arrestuar organizatorin.

Policia bën të ditur se i dyshuari është intervistuar dhe është liruar më pas në procedurë të rregullt.

Po në Gjakovë, të hënën, Policia ka arrestuar një person për mosrespektimi të masave kundër pandemisë.

“Është arrestuar i dyshuari mashkull kosovar pasi që i njëjti duke mos respektuar vendimin lëshuar nga Qeveria, në lokalin e tij i janë takuar 20 persona. Me vendim të prokurorit i dyshuari pas intervistimit është liruar”, thuhet në raport.

Tags: ,