“Ajo nuk konsumohet kurrë”, Latifi i del në mbrojtje Saranda Bogujevcit

Filozofi i njohur kosovar, Blerim Latifi i ka dalë në mbrojtje deputetes së LVV-së, Saranda Bogujevcit.

Latifi në Facebook ka thënë se kur në Qeveria ka njerëz që thonë se janë lodhur nga rrëfimet për masakrat e të pagjeturit, atëherë paramendoni se çka thonë qeveritë e huaja.

Kur në Qeverinë e Kosovës ka njerëz që po thonë se janë lodhur nga këto rrëfime, paramendojeni çka mund të thonë njerëzit e qeverive të huaja”, shtoi tutje.

Kjo deklaratë e Latifit vjen pasi që zëvendëskryeministri i Kosovës, Driton Selmanaj, ka pasur një përplasje verbale me gazetarin Parim Olluri, në emisionin ‘Pressing’ në T7 lidhur me çështjen e të pagjeturve në luftën e fundit në Kosovë.

Olluri ka thënë se Bogujevci, një e mbijetuar nga masakra në Podujevë, ka të drejtë të flasë për çështjen e të pagjeturve.

Megjithatë, Selmanaj ka replikuar se “jemi lodhur me gjëra të tilla”.

Selmanaj ka thënë edhe se Qeveria Hoti ka vënë të parën këtë çështje në temën e dialogut në nivel të lartë mes Kosovës dhe Serbisë.

“Kishte përplasje me fjalë mes Arben Gashit dhe Saranda Bogujevcit dhe pastaj e Gashit me zonja Kusari Lila. Nuk ka pasur debat me Hajrullah Cekun dhe Hekuran Muratin. Vjen një moment kur Gashi tha mjaft më. Mos shpifni. Referencat ishin shpifëse. Fjalimi im u lexua në gjysmë nga ana e zonjës Bogujevci. Tërësisht tendencioze. Unë kam thënë instrumenti i raportimit për këtë temë është konsumuar. Jo është konsumuar tema e të pagjeturve. Ajo nuk konsumohet kurrë”, shton Selmanaj. /GazetaExpress/