Aksion i Njësisë Speciale në orët e mëngjesit në Veri: Arrestohen dy persona të dyshuar për vrasjen e Oliver Ivanoviqit

Policia e Kosovës në orët e hershme të mëngjesit të së mërkurës ka zbarkuar në pjesën veriore të Mitrovicës. E gjithë kjo me një qëllim. Për arrestimin e disa personave të cilët ndërlidhen me rastin e vrasjes së Oliver Ivanoviqit. Për këtë rast janë arrestuar dy persona, njëri nga ta, zyrtar serb i Policisë së Kosovës, ndërkohë një tjetër është në kërkim.

Lajmin për Express e ka konfirmuar edhe Policia e Kosovës. Baki Kelani i tha gazetës se personi i arrestuar shtë me inicialet R.B. ndërkohë tek i arrestuari i dytë policia ka gjetur edhe një armë.

“Mund te konfirmojme se sot ne oret e hershme te mengjesit, ne Veri te Mitrovices Policia e Kosoves ka realizuar nje operacion policor i cili nderlidhet me rastin e vrasjes se z. O. Ivanovic. Ky operacion policor eshte realizuar ne baze te urdhereses per kontroll te leshuar nga Gjykata Themelore , Departamenti Special, i cili ka rezultuar me arrestimin e nje personi te dyshuar m/k/s zyrtar policor ( R. B. ) i perfshire ne urdher kontroll, perderisa i dyshuari tjeter po ashtu pjesetar policor m/k/s mbetet ne kërkim”, ka thënë Kelani për Express.

“Gjate operacionit policor eshte arrestuar edhe nje person tjeter i dyshuar tek i cili eshte gjetur nje arme. Ne kete operacion jane gjetur dhe konfiskuar edhe dy arme te tjera dhe municion. Per detaje tjera do te njoftoheni ne vijim”.

/GE/