Bytyçi: Lojërat politike brenda Kosovës mes njëri-tjetërit, e kanë forcuar Serbinë

Zëdhënësi i PDK-së, Avni Bytyçi, thotë se lojërat politike brenda vendit me njëri tjetërin e kanë dobësuar Kosovën dhe është forcuar Serbia.

”Me këtë qasje dhe këtë mendësi të lojërave meskine politike brenda vendit e kundër njeri-tjetrit, e kemi dobësuar shtetin tonë dhe kemi forcuar Serbinë.”

Ai përmes një postimi në rrjetin social Facebook, thotë se Partia Demokratike e Kosovës, disa herë ka tërhequr vemendjen për  papërgjegjshmërinë dhe paaftësinë e kësaj qeverie të shkarkuar, përkundrejt menaxhimit të krizës së pandemisë.

Gjithashtu Bytyçi thotë se PDK-ja, ka ngrutur zërin edhe për rreziqet që vijnë si pasojë e vakumit institucional, që janë shkaktuar nga konfilikti i dy partënerve të kësaj qeveria në dorëheqje.

Posti i plotë:

Partia Demokratike e Kosovës, ka tërhequr tashmë disa herë vëmendjen për papërgjegjshmërinë dhe paaftësinë e kësaj qeverie të shkarkuar, përkundrejt menaxhimit të krizës së pandemisë.

Po ashtu, kemi ngritur zërin për rreziqet që vijnë si pasojë e vakumit institucional të shkaktuar prej konfliktit të dy partnerëve të qeverisë së shkarkuar.

Kjo situatë e paprecedentë ka bërë gjithashtu që ne të humbim përqendrimin tonë për sa i përket ballafaqimit me politikën agresive dhe synimet dashakeqe të Serbisë.

Me këtë qasje dhe këtë mendësi të lojërave meskine politike brenda vendit e kundër njeri-tjetrit, e kemi dobësuar shtetin tonë dhe kemi forcuar Serbinë.

Kjo situatë çoroditjeje në Prishtinë e kombinuar me papjekurinë e kësaj qeverie, i ka dhënë mundësi Serbisë që të shfrytëzojë situatën dhe të rikthejë e forcojë strukturat paralele duke dëmtuar rëndë shtetin tonë.