Çka do të kërkojë me 7 shtator Vuçiqi në Bruksel ?

Presidenti i Serbisë, Aleksandar Vuçiq, ka paralajmëruar se më 7 shtator do të jetë raundi i ri i bisedimeve në Bruksel dhe se këtë herë, do ta përfaqësojë ai vetë Serbinë.

Vuçiq në një prononcim për mediat serbe ka thënë se në këtë takim do të kërkojë të respektohet marrëveshja e vitit 2013 për formimin e Asociacionit të Komunave Serbe.

“Pala serbe do të kërkojë që të respektohet marrëveshja e 2013-s, që është formimi i Asociacionit të komunave serbe. Nga dialogu nuk do të dalim”, ka thënë Vuçiq, përcjell b92.net.

Në fakt, marrëveshja për AKS-në në shumë pika të saj është shpallur anti-kushtetuese.

Ndërkohë, Vuçiq ka komentuar edhe procedimin e projektligjit për mbrojtjen e vlerave të Ushtrisë Çlirimtare të Kosovës (UÇK) në Kuvend. E ka quajtur “lajm të tmerrshëm” dhe e ka vlerësuar si “maltretim dhe ngacmim të popullatës serbe”.