Djali i kryeministrit të Izraelit i komenton Vlora Çitakut në postimin për hapjen e Ambasadës

Sot edhe zyrtarisht është hapur Ambasada e Kosovës në Izrael me seli në Jeruzalem, si pjesë e Marrëveshjes së arritur në Shtëpinë e Bardhë në shtator të vitit të kaluar.

Fotografitë e selisë së Ambasadës së Kosovës në Jeruzalem janë shpërndarë gjithandej nëpër rrjetet sociale, ndërsa ka rënë në sy edhe komenti i djalit të Kryeministrit të Izraelit, Benjamin Netanyahu, Yair.

Yair Netanyahu ka komentuar në Tweet-in e ish-ambasadorës së Kosovës në Amerikë, Vlora Çitaku, e cila ka shpërndarë një fotografi të Ambasadës së Kosovës në Izrael.

Ai ka vendosur flamujtë e dy shteteve në koment si dhe një emoji zemër.

MPJD ka njoftuar se gjatë vendosjes së marrëdhënieve diplomatike më 1 shkurt të vitit 2021, ministri i Punëve të Jashtme të Izraelit, Gabriel Ashkenazi, kishte bërë zbulimin e pllakës së Ambasadës së Republikës së Kosovës në Jeruzalem.

“Vendosja e pllakës dhe flamurit shtetëror në Ambasadën e Kosovës në Izrael reflekton përkushtimin e Qeverisë së Kosovës për të përmbushur zotimin e dhënë për vendosjen e misionit diplomatik në Jeruzalem. Ambasada e Republikës së Kosovës në Jeruzalem do të përkushtohet fuqimisht për të rritur bashkëpunimin bilateral dhe për forcimin e subjektivitetit ndërkombëtar të shtetit të Kosovës”, thuhet në komunikatën e MPDJ-së.