E infektuara me coronavirus: Shkova për kontroll por ngela në rrugë, s’më kontrolluan në QKUK e as në QKM

Aktivistja kosovare, Zana Avdiu, ka ndarë me miqt e saj virtual përvojen me COVID-19 dhe institucionet shëndetësore në Kosovë.

Ajo përmes një statusi në llogarinë e saj në rrjetin social Facebook, ka rrëfyer që si e prekur me coronavirus, nuk mori shërbime mjekësore në Qendrën Klinike Universitare të Kosovës, më saktësisht në Klinikën Infektive, shkruan Reporteri.net.

Avdiu ka thënë se me të shkuar në Infektivë, u kthye mbrapsht për në Qendrën e Mjekësisë Familjare në lagjen në të cilën banon për të marrë një udhëzim.

““Shko ne QMF ne lagjen tende, dhe merr udhezim”, duke mos me pa as ne fytyre.”, ka shkruar ajo.

Pas Infektivës ajo u drejtua për në QMF por as atje nuk u lejua që të hyjë brenda e të marrë shërbime mjekësore, sepse pacientët e prekur me coronavirus, nuk lejohen që hyjnë brenda për kontrollë.

Sipas saj, një person i ka thënë se Instituti Kombëtar i Shëndetësisë Publike ka dhënë urdhëresë që personat e prekur me COVID-19 mos të trajtohen në QMF, por të shkojnë drejt e në Klinikën Infektive.

Ajo ka kontaktuar edhe drejtorin e QKUK-së, Valbon Krasniqi.

“Ai mu pergjigj se i vjen keq, dhe me udhezoi ti ndjek mekanizmat ligjore, qe une te mund te bej nje kontrolle.

Tash, po dua ta pyes Dr. Valbonin publikisht, cka nenkupton me keta mekanizma ligjore? Te shkoj ne polici, apo ne gjykate ta padis kliniken, qendren e mjeksise familjare apo ndoshta ta padis edhe koronavirusin?

Gjithashtu, dua ta pyes drejorin se a me garanton ai mua, qe une nuk do te kem pasoja nga semundja, deri sa ti ndjek procedurat e mekanizmave ligjore, qe mi rekomandoi ai?”, ka shkruar Avdiu në Facebook.

Ky është postimi i saj i plotë:

Une si e prekur me Covid, ku te bej nje kontroll?

Si e prekur me koronavirus, une nuk mora sherbime mjekesore ne QKUK, me saktesisht ne Kliniken Infektive. Me te shkuar aty, ne vend se te marr sherbimin e duhur, dhe te kryej kontrollen, hasa vetem ne arrogancen e stafit shendetesor. Me ta pyetur se ku mund te bej nje kontrolle, dhe jam e prekur me Covid, nje zonje te ciles nuk ia pashe as fytyren, mu drejtua me ton te larte dhe agresiv “shko ne QMF ne lagjen tende, dhe merr udhezim”, duke mos me pa as ne fytyre. Ok, heshta dhe u largova pa be ze. Shkova ne QMF te Qafa, dhe nje person qe ishte aty, prapa tavolines me dezinfektues me tha qe nuk mund te me lejtonte te hyja dhe te beja kontrolle meqe isha me kovid, dhe se kontrollat duhet ti beja vetem ne QKUK. Ai tha qe ka ardhe edhe nje urdherese nga Instituti, e cila ishte e vendosur edhe ne dere, qe te mos udhezohen paciente me koronavirus ne infektive. Shko drejt atje, me tha!

Dhe, mbeta ne rruge. Pa mundesine te beje nje kontrolle dhe te shoh e te kuptoj per gjendjen time, me kete semundje qe trazoi boten.

Nuk ishte e lehte kjo kohe per mua, e mbi te gjitha gjendjen ma ka renduar mbyllja. Nuk desha ti jap me shume presion vetes, dhe u ktheva ne shtepi. Pas kesaj, gjeta kontaktin e Drejtorit te SHSKUK Valbon Krasniqi, meqe ai eshte edhe vet infektolog, dhe i tregova per gjendjen dhe ngjarjet qe kane ndodhur. Ai mu pergjigj se i vjen keq, dhe me udhezoi ti ndjek mekanizmat ligjore, qe une te mund te bej nje kontrolle.

Tash, po dua ta pyes Dr. Valbonin publikisht, cka nenkupton me keta mekanizma ligjore? Te shkoj ne polici, apo ne gjykate ta padis kliniken, qendren e mjeksise familjare apo ndoshta ta padis edhe koronavirusin?

Gjithashtu, dua ta pyes drejorin se a me garanton ai mua, qe une nuk do te kem pasoja nga semundja, deri sa ti ndjek procedurat e mekanizmave ligjore, qe mi rekomandoi ai?

Dhe, drejtor pozita juaj nuk eshte qe te ju vije keq dhe aq me pak ti mesoj pacientet te kerkojne drejtesi pa adrese, nese une apo kushdo tjeter nuk merr sherbime dhe keqtrajtohet, por jeni aty qe ta rregulloni ate vend dhe keto probleme. Jeni aty tu siguroni sherbime cilesore pacienteve. Keq mund ti vije dades Hasime, e cila ska cka te beje, jo juve qe e keni ne dore ate vend!