Edi Rama merr dozën e dytë të vaksinës kundër COVID-19

Kryeministri i Shqipërisë, Edi Rama ka marr dozën e dytë të vaksinës kundër COVID-19.

Ai kishte thënë se, ka nisur cikli i injektimi i mbi 1 mijë dozave të reja.

“Nis edhe cikli i parë për mbi 1,000 të tjerë me dozat e reja, ndërkohë që në bazë të kontratës me Pfizer parashikohet nisja e vaksinimit brenda shkurtit për mijëra bluza të bardha”, ka shkruar Rama në Facebook, përcjell Telegrafi.

Ai thekson se e rëndësishmja gjithë në këtë është se ka filluar zbatimi i kontratës me kompaninë Pfizer.

“Me sa kemi mësuar imunizimi ka nevojë për të gjithë ciklin. Ajo që është e rëndësishme është që kemi hyr në zbatimin e kontratës me Pfizer. Dje kanë ardhur dozat që kanë hapur rrugën, natyrisht që nëse shohim numrat ngushtë dhe nëse nuk shohim gjithë panoramën dhe gjithë planin atëherë patjetër që duken shuam pak por në fakt e para mos të harrohet që në rajon jemi i vetmi vend së bashku me Serbinë që ka hyrë në zbatimin e kontratës dhe ka filluar vaksinimin për mjekët dhe infermierët. Mos të harrojmë që situata e përgjithshme e vaksinimit dhe furnizimit me vaksina anti-COVID-19 në gjithë Evropën është tejet kaotike”, është shprehur ai pas vaksinimit.

Në Tiranë është duke vazhduar vaksinimi i fazës së dytë kundër sëmundjes COVID-19.

Procesi i vaksinimit po bëhet në ambientet e stadiumi “Air Albania”.

Rama ka thënë se Shqipëria ka siguruar zyrtarisht 500 mijë dozat e para të vaksinës kundër COVID-19.

Vaksina pritet t’u injektohet së pari mjekëve dhe infermierëve. /Telegrafi/