Erdoğan dhe Putin zhvillojnë bisedë telefonike

Presidenti i Turqisë, Recep Tayyip Erdoğan zhvilloi një bisedë telefonike me presidentin e Rusisë, Vladimir Putin, transmeton Anadolu Agency (AA).

Erdoğan dhe Putin në bisedën e tyre telefonike kanë diskutuar për zhvillimet lidhur me çështjen e Sirisë dhe kanë konfirmuar angazhimin për Marrëveshjen e Soçit të nënshkruar më 22 tetor, thuhet në një deklaratë nga Kryesia e komunikimeve të Presidencës turke.

Ndër të tjera në bisedë theksohet se është biseduar edhe për zhvillimin e marrëdhënieve dypalëshe dhe hapat që do të hidhen për rritjen e vëllimit tregtar.