Instituti Hidrometeorologjik i Kosovës del me raport për situatën e përmbytjeve, Rajoni i Dukagjinit më i prekuri

Instituti Hidrometeorologjik i Kosovës, ka dalë me një raport për situatën e përmbytjeve në gjithë territorin e Kosovës.

Sipas njoftimit të Institutit, reshjet më me intensitet janë në pjesën perëndimore të Kosovës.

“Reshjet e shiut, të cilat po vazhdojnë pa ndërpre, më shumë se 48h, duke përfshi tërë territorin e vendit, me intensitet më të shprehur në pjesën perëndimore të sajë, ku gjatë kësaj kohe kanë rënë mesatarisht rreth 75.6 mm (lm2), reshje, duke shkaktuar përmbytje, nëpër disa komuna, si pasojë e ngritjes së niveleve të lumenjve përtej kapaciteteve të tyre bartëse”.

IHMK njofton se kësaj situate të rënduar  i ka kontribuar edhe shkrirja e borës nëpër viset më të larta malore.

“Gjendja më e rënduar paraqitet në disa Komuna të Dukagjinit si: Gjakovë (95.8 mm), Junik (198.9 mm), Deçan, Rahovec, Malishevë, Suharekë, Pejë (95 mm), Klinë, dhe në Rrafshin e Kosovës, komunat: Drenas, Skenderaj, Lipjan, Fushë Kosovë, Obiliq, Prishtinë (58 mm), Mitrovicë”, njofton më tej Instituti Hidrometeorologjik i Kosovës.

Gjendja e niveleve të ujit në lumenjtë kryesorë të Kosovës nga datë: 07.01.2021 07:00 – deri më 08.01.2021 12:00