Komision Hetimor kundër Presidentit Meta

Presidenti i Republikës, Ilir Meta, ka bërë të ditur se do të paraqitet në mbledhjen e Komisionit Hetimor të ngritur nga mazhoranca, ku po trajtohen shkeljet e pretenduara në vendimin e tij për çdekretimin e 30 qershorit si datë të paracaktuar për mbajtjen e zgjedhjeve lokale.

Në një postim në llogarinë e tij zyrtare në rrjete sociale, Meta i kthen përgjgije interesit të gazetarëve duke pohuar se do të asistojë në mbledhjen e Komisionit, duke theksuar me doza ironie se mezi po pret që të kthehet në Parlament.

Të dashur miqtë e mi gazetarë, më ‘çmendët’ me sms tuaja, si asnjëherë tjetër! Po ç’është kjo pyetje kaq absurde që më bëni të gjithë: A do shkoj tek Parlamenti?! Së pari, Presidentit si Kryetar i Shtetit, i takon të jetë shembull i bashkëpunimit institucional. Dhe besoj se në këto dy vite kam bërë gjithçka për vendosur këtë bashkëpunim, në respekt të plotë të Kushtetutës, shtetit ligjor dhe interesit publik. Së dyti, unë mezi pres të kthehem tek Parlamenti”, shkruan Meta.