Kosovari mbyt gruan me shkop në Austri

Një 32-vjeçar nga Kosova e ka vrarë gruan e tij me një shkop druri në Vjenë të Austrisë.

32-vjeçari e vrau gruan e tij në pasditen e së premtes, derisa, të njejtën e ka goditur deri në vdekje me një shkop prej druri.

Burri pasi kreu aktin makabër shkoi në polici dhe rreth orës 02:00 njoftoi autoritetet për vrasjen që kreu.

Policët e gjetën gruan të vdekur në apartamentin në të cilin jetonte çifti, ka bërë të ditur sot policia austriake.

Kosovari kishte deklaruar se e kishte goditur gruan e se ndoshta edhe e kishin vrarë.

Edhe gruaja, sic raportojnë mediat lokale ishte 32-vjeçare derisa kishte plagë në pjesën e pasme të kokës.

32-vjeçari u arrestua menjëherë me dyshimin për vrasje. Ai do të intervistohet të Shtunën, tha zëdhënësi i policisë Paul Eidenberger.

Trupi i pajetë i gruas u dërgua për autopsi. Kosovarja 32-vjeçe është gruaja e 18 e vrarë këtë vit në Austri.