Kryetari i Prishtinës ka një lutje për banorët e kryeqytetit lidhur me Coronavirusin?

 

Kryetari i Komunës së Prishtinës, Shpend Ahmeti, ka thënë se prishtinasit që po dalin në qytet pa nevojë, duke e rrezikuar kështu vetën dhe të tjerët

Përmes një shkrimi në Facebook, Ahmeti ka shkruar se sot ka dalë në qytet dhe ka parë shumë qytetarë të cilët kanë dalë pa mbrojtje.

“E diele! Një xhiro në qytet dhe shoh se janë shumë qytetarë vetë, me familje, pa mbrojtje. Askush e as qeveria e as komuna nuk mund ta mbrojë askënd nga vetvetja. Por ju që po dilni pa nevojë po rrezikoni tjerët që nuk po dalin dhe kanë zgjedhur që të mbrohen”, ka shkruar Ahmeti.

Ai ka shtuar se këto veprime kanë pasoja në jetën e njerëzve.

“Të gjithë mjekët e botës po tregojnë rrezikun. Nuk mundemi të bëhemi me mjekë se mjekët e më ekspertë se ekspertët. Këto veprime kanë pasoja në jetën e njerëzve”, ka shkruar Ahmeti.

Ndërkohë, i pari i Prishtinës, vazhdimisht po kërkon nga qytetarët që të qëndrojnë nëpër shtëpitë e tyre, për të parandaluar përhapjen e virusit COVID-19