Kush është i prekuri me COVID-19 nga Prizreni?

IKSHP, se fundmi ka konfirmuar qe edhe nje person nga Prizreni është testuar si pozitiv me virusin Covid-19.

Sipas burimeve të pakonfirmuara të Lajme365, bëhet fjale për një person me profesion stomatolog.

Drejtori i Shëndetësisë në Prizren Visar Shehu në një postim në Facebook ka njoftuar se personi në fjalë ka ardhur në Kosovë para 14 ditësh.

Personi ne fjale ka qene i vetë izoluar qe nga dita e pare e ardhjes, nuk ka pasur simptoma deri ne ditën e 12 te vet izolimit por fatkeqësisht simptomat u janë shfaqur ne ditën e 12 dhe tanimë pas testimit ka rezultuar pozitiv.

Andaj kjo nuk lejon hapësirë për panik apo për përhapje të Virusit meqenëse personi i dyshuar ka qenë në vete izolim.

Drejtori i Shëndetësisë jep detaje për rastin me Coronavirus të shfaqur në Prizren

Ky njëkohësisht është rasti i parë i regjistruar me COVID-19 në Prizren, krahas një të riu nga Korisha e Prizrenit, të identifikuar si pozitiv në Aeroportin e Prishtinës “Adem Jashari”.

Komuna e Prizrenit ka përfunduar punët për përgatitjen e karantinës në Prizren

Hapësira të cilën kjo komunë e ka përzgjedhur që të shërbejë në rast nevoje si karantinë për vendosjen e të prekurve nga coronavirus, është ish pushimorja e fëmijëve në fshatin Nashec të Prizrenit.

Numri i personave të prekur në Kosovë nga virusi vdekjeprurës COVID-19 ka arritur në 108 persona.
IKSHP ka raportuar për 1 person të vdekur nga pandemia dhe 1 person tjetër të shëruar nga coronavirusi.