LAJMI I FUNDIT: Javën e ardhshme Kosovës i arrijnë vaksinat kundër COVID-19

Dozat e para të vaksinave kundër COVID-19 në Kosovë do të arrijnë gjatë shtatë ditëve të ardhshme. Kështu ka bërë të ditur  zyrtarja për informim e GAVI COVAX.

Sipas saj, përgjegjësit për vaksinim në UNICEF kanë treguar se Kosovës do t’i bëhet dorëzimi i dozave të para të vaksinave gjatë shtatë ditëve të ardhshme.

Megjithatë, ajo nuk ka treguar se sa është numri i vaksinave kundër COVID-19 që do të furnizohet Kosova.

“Për numrin e saktë të dozave të vaksinave dhe datën e dorëzimit të tyre është më mirë që ta kontaktoni Qeverinë e Kosovës”, ka bërë të ditur ajo për “Front Online”.

Kosova është vendi i vetëm në rajon që ende nuk ka filluar vaksinimin e qytetarëve të saj.