Instituti Kombëtar i Shëndetit Publik bën të ditur se numri total i rasteve pozitive është 74.748 raste nga 341.443 persona të dyshimtë në virusin SARS-CoV-2 dhe 1.674 raste të vdekjes.

IKSHPK njofton se gjatë 24 orëve të fundit, janë shëruar 333 pacientë derisa numri i përgjithshëm i të shëruarve deri më sot është gjithsej 62.983 raste, kurse numri i rasteve aktive është 10.091.

Ndryshe, ditë më parë ministri në detyrë i Shëndetësisë, Armend Zemaj ka bërë të ditur se në mars pritet të vijë kontingjenti i parë prej 33 mijë dozave të vaksinave nga COVAX.

Ndërkaq, IKSHPK në vazhdimësi bën thirrje për respektimin e masave antiCOVID-19.

Ditë më parë, edhe drejtori i SHSKUK-së, Valbon Krasniqi ka bërë thirrje për respektim të masave, pasi sipas tij, Kosova gjendet tashmë bë valën e re të shpërthimit të pandemisë. /Telegrafi/