Më shumë se tre orë, Thaçi ende duke u intervistuar në Hagë

Kanë kaluar tri orë prej kur presidenti Hashim Thaçi ka hyrë në objektin e Prokurorisë Speciale në Hagë. Ai po vazhdon akoma të intervistohet.

Fiks në orën 13:00, Presidenti Hashim Thaçi ka arritur në vendin ku është thirrur të intervistohet, pas dorëzimin të aktakuzës, sipas të cilës, ai dyshohet se ka kryer krime lufte.

Thaçi edhe më tutje nuk ka dalë nga Prokuroria Speciale.

Është raportuar sot se Thaçi ka angazhuar për avokat, juristin e njohur amerikan, Pierre – Richard Prosper.

Ish-drejtori politik i Ushtrisë Çlirimtare të Kosovës, që tash është president i vendit, ka thënë para mediave se “do ta kalojë këtë sfidë me sukses për djalin, familjen dhe kombin”.

Thaçi ka thënë se nëse i konfirmohet aktakuza ndaj tij, atëherë do të japë dorëheqje nga pozita e Presidentit të Kosovës.