Nga cilat qytete janë 8 rastet e konfirmuara me Coronavirus?

Pak minuta më parë Ministri i Shëndetësisë Arben Vitia ka njoftuar se janë konfirmuar edhe 8 raste të reja me Coronavirus në Kosovë.

Konfirmohen edhe 8 raste të reja me Coronavirus, shkon në 79 numri i pëërgjithshëm

Megjithatë sipas ministrit Vitia lajm i mirë është  shërimi i një pacienti i cili ishte i infektuar me COVID-19.

IKSHP njofton se rastet e konfirmuara pozitive janë 4 raste kontakti me vendbanim në Studime të ulët Vushtrri, 3 raste me vendbanim në Prishtinë dhe 1 rast kontakti me vendbanim në Llugagji-Pejë.

Kështu në Pejë shfaqet rasti i parë me COVID-19.

Raste kontakti nënkupton që persoant që kanë rezultuar pozitiv, janë persona që kanë apsur kontakte të drejtpërdrejta me personat që kanë rezultuar pozitiv në ditët e mëhershme.

Kjo është komunikata e plotë e IKSHP-së:

SITUATA EPIDEMIOLOGJIKE ME COVID-19!

Komunikatë për media

Sot me 26.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar tetëdhjetë e nëntë (89) mostra të marra nga rastet e kontakteve në terren si dhe të rasteve të hospitalizuara në Klinikën Infektive. Nga këto mostra të marra për testim në virusin SARS-CoV, tetë (8) prej prej tyre kanë rezultuar pozitive. Sot kemi lajmin e mirë se një pacient është i shëruar bazuar në rekomandimet e OBSH-së ku dy mostra rezultojnë negative me së paku një ditë distancë kohore.

Rastet e konfirmuara pozitive janë 4 raste kontakti me vendbanim në Studime të ulët Vushtrri, 3 raste me vendbanim në Prishtinë dhe 1 rast kontakti me vendbanim në Llugagji-Pejë.

Nga data 08.02.2020 deri me 26.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 855 mostra të dyshimta në virusin SARS-CoV-2 dhe prej tyre, gjithsej shtatëdhjetë e nëntë (79) raste kanë rezultuar pozitive, me një (1) rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 1514 kontakte të rasteve.

QËNDRONI NË SHTËPI, KJO UA SHPËTON JETËN!

MBANI DISTANCË SOCIALE PËR 2 METRA!

NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!