Pacientja e dyshuar se u infektua me coronavirus në Kosovë, rezultati del negativ

Instituti Kombëtar i Shëndetësisë Publike ka njoftuar se pacientja e cila ishte shtrirë në QKUK  dhe dyshohej se ishte infektuar me virusin Coronavirus, pas analizave të bëra rezultatet kanë rezultuar negative.

“Ekipi i Laboratorit të Mikrobiologjisë Molekulare në IKSHPK ka bërë testimin në virusin SARS-CoV-2 me metodën rRT-PCR. Testi ka rezultuar negativ, domethënë pacientja nuk është infektuar me virusin SARS-CoV-2. Laboratori mikrobiologjik/IKSHPK është pajisur me kite dhe reagensa për detektimin e 2019-nCoV; Ekipet e Institutit Kombëtar po përcjellin me vëmendje situatën epidemiologjike me Koronavirus në botë. Komiteti për monitorimin e sëmundjeve ngjitëse ka konstatua se janë përforcuar masat për monitorimin, parandalimin e rrezikut të përhapjes së koronavirusit të ri. Ka kompletua r Planin e Gadishmërisë për Koronavirus dhe Planin e Kontingjencës duke iu përmbajtur strikt rekomandimeve të OBSH; Janë shpërndarë materialet dhe dokumentet, posteret e shtypur nga Instituti Kombëtar me kohë janë shpërndarë në Institucionet shëndetësore, Shkolla, Aeroport, hyrje/daljet tokësore, Institucionet e burgjeve. Komunikimi me media dhe rrjetet sociale është në vazhdimësi për të ruajtur panikun e mundshëm. Është bërë ngritja e nivelit të vigjilencës dhe gatishmërisë për veprim në situatën e krijuar 24 orë në ANP”Adem Jashari” dhe në hyrje daljet e Kosovës me ekipe mjekësor”, thuhet në komunikatë.

Ndryshe lajmin për shtrirjen e kësaj paciente në Klinikën Infektive në QKUK, e bëri të ditur ministri i Shëndetësisë, Arben Vitia.

Ndryshe, edhe rajoni ka marr masa për mbrojtjen nga Coronavirusi.

Shqipëria ka marr masa mbrojtëse, duke shtuar kontrollin në Aeroportin e Rinasit, ndërsa në Itali tashmë kanë humbur jetën pesë persona nga Coronavirusi dhe qindra tjerë janë infektuar. /Telegrafi/