Përparim Rama, kandidat i LDK-së për Kryetar të Prishtinës? Flet Lumir Abdixhiku

Kreu i LDK-së, Lumir Abdixhiku, as nuk i ka mohuar e as pohuar raportimet e sotme nga mediat kosovare lidhur me kandidatin e LDK-së për kryetar të Prishtinës.

Arkitekti me famë botërore nga Londra, Përparim Rama, u raportuar gjatë ditës së sotme se do të jetë kandidat i Lidhjes Demokratike të Kosovës (LDK) për kryetar të komunës së Prishtinës.

Lidhur me këtë, kryetari i kësaj partie, Lumir Abdixhiku, i cili ka thënë se nuk ka koment për të këtë çështje.

“S’kam koment, duhet të presim edhe pak. Jemi në proces të vlerësimit të LDK-së këto ditë për të bërë analizën strukturore të LDK-së pas rezultateve të fundit të 14 shkurtit. Kemi hapur dyert për të reformuar partinë. Testi i parë vjen nga zgjedhjet lokale që vijnë bukur shpejt. Në muajt e ardhshëm do t’i kemi kandidaturat e publikuara. Dëshirojmë që t’i bëjmë publike që të jemi të gatshëm”, tha ai në ATV.