Policia arreston tre persona të dyshuar për tentim vrasje në Prishtinë

Policia e Kosovës ka njoftuar se ka arrestuar tre persona të dyshuar për tentim vrasje në Prishtinë.

Në njoftimin e bërë për media nga Policia e Kosovës, thuhet se mbrëmë rreth orës 20:00, policia ka marrë informacionin se në rrugën “Nëna Terezë”, në Fushë Kosovë, saktësisht në një lokal, ka pasur një përleshje fizike. Njëri nga personat e përfshire në përleshje, nga mjetet e forta të cilat janë përdorur në rast, ka pësuar lëndime të rënda trupore.

Policia bën të ditur se menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të cilat kanë arrestuar tre persona të dyshuar.

A. G, mashkull, 28 vjeç, shtetas i Republikës së Kosovës
Sh. J, mashkull, 18 vjeç, shtetas i Republikës së Kosovës dhe
A. J, mashkull, 25 vjeç, shtetas i Republikës së Kosovës,

Personi i lënduar po vazhdon tretmanin mjekësor në QKUK- Prishtinë, ndërsa personat e arrestuar pas intervistimit me urdhër të prokurorit janë dërguar në mbajtje.