Prizren: Rrahje ndërmjet vëllezërve, njëri shkon në paraburgim

Gjykata Themelore e Prizrenit i ka caktuar 30 ditë masën e paraburgimit ndaj të dyshuarit N.B nga fshati Lubizhdë e Prizrenit, për shka se i njëjti dyshohet të ketë kryer veprën penale dhunë në familje.

Sipas komunikatës së Gjykatës së Prizrenit, i dyshuari N.B., i ka shkaktuar lëndime trupore të dëmtuarit me iniciale A.B. për shkak të mosmarrëveshjeve pronësore të cilat i kanë për një kohë të gjatë.

Sipas komunikatës, i dyshuari dhe i dëmtuari janë vëllezër dhe jetojnë në një shtëpi.

Gjykata përmes një komunikate ka bërë të ditur se fakti se i njëjti ka ushtruar dhunë brenda familjes tregon rrezikun e përsëritjes së veprave tjera penale të kësaj natyre të drejtuar kundër të dëmtuarit për çka mund të vijë edhe deri te pasojat më të rënda, andaj caktimi i paraburgimit në këtë fazë është më se i domosdoshëm dhe i arsyeshëm kurse a do të argumentohen këto fakte do të vlerësohet në fazat e mëtejme të procedurës penale.

Paraburgimi për të dyshuarin do të zgjasë prej datës së arrestimit 27.03.2020 dhe do të zgjasë deri më datën 26.04.2020.