Prokuroria e Pejës në aksion për ndërtime pa leje

Prokuroria e Pejës në bashkëpunim me Policinë e Kosovës ka zhvilluar sot një aksion në Pejë, Klinë, Istog, Deçan dhe Junik, ku gjatë këtij aksioni janë evidentuar disa raste të ndërtimeve pa leje në komunat përkatëse, me ç’rast do të ndërmerren veprimet e nevojshme hetimore për ndriçimin e këtyre rasteve penale.

Përmes një njoftimi drejtuar mediave, Prokuroria ka bërë me dije se aksioni është zhvilluar me qëllim të identifikimit të ndërtimeve pa leje, përkatësisht për dyshimet penale në drejtim të veprave “Keqpërdorimi i pozitës zyrtare apo autoritet zyrtar” dhe veprën penale “Ndërtimi pa leje”.