Rama uron Kosovën për zgjedhje të suksesshme parlamentare

Kryeministri shqiptar, Edi Rama, ka përgëzuar Kosovën për zgjedhjet parlamentare.

Kryeministri i Shqipërisë, Edi Rama, uron Kosovën për zgjedhjet e suksesshme parlamentare të mbajtura këtë të diel.

Me anë të një postimi nëpërmjet rrjetit social Twitter, Rama uron Albin Kurtin, për rezultatin më të mirë, si dhe nuk lë pa përmendur as partitë e tjera, duke uruar LDK për rezultatin e dytë më të mirë dhe PDK për pranim të rezultatit.

Postimi i Ramës:

Urime Kosovës për zgjedhjet e suksesshme parlamentare🇽🇰

Urime Vetëvendosjes e Albin Kurtit për rezultatin më të mirë.

Urime LDK e Vjosa Osmanit për rezultatin e dytë më të mirë.

Urime PDK e Kadri Veselit për pranimin shembullor të rezultatit.

Sa më e mbarë dita e re për Kosovën. /Lajmi.net/