Seanti amerikan voton për thirrjen e dëshmitarëve në gjyqin ndaj ish-presidentit Trump

Senatorët votuan të shtunën për të vlerësuar mundësinë e thirrjes së dëshmitarëve në gjyqin ndaj ish-presidentit Donald Trump.

Ky zhvillim duket se do të zgjasë procedurat të cilat vetëm disa orë më parë dukeshin se po shkonin drejt përfundimit të shpejtë të gjykimit dhe drejt një votimi rreth akuzës së ngritur ndaj ish-presidentit për nxitje të rebelimit vdekjeprurës në Kapitol.

Lufta e minutës së fundit për dëshmitarët pason zbulimet e së premtes në mbrëmje nga një ligjvënës republikan i Dhomës së Përfqësuesve në lidhje me një telefonatë të nxehtë në ditën e trazirave mes zotit Trump dhe udhëheqësit të pakicës së kësaj dhome Kevin McCarthy, që demokratët thonë se është dëshmia e indiferencën së zotit Trump ndaj dhunës.

Procesi gjyqësor u ndalën papritmas të shtunën në mëngjes dhe madje edhe senatorë dukeshin të hutuar për hapat e ardhshëm.

Gjykime të kësaj natyre në Senat janë të rralla, veçanërisht për një president, dhe rregullat negociohen për secilin në fillim të procesit. Sipas marrëveshjes së arritur nga palët lidhur me procesin e gjykimit të zotit Trump, thuhej se nëse senatorët bien dakord të dëgjojnë dëshmitarë, kjo do të pasohet nga një votim për të dëgjuar dëshmi shtesë.

Ndërkohë, udhëheqësi republikan Mitch McConnell e ka bërë tashmë të qartë se ai do të votojë për ta liruar zotin Trump nga akuza, sipas një personi në dijeni të qëndrimit të tij. Parë nga ky këndvështrim, pikëpamja e udhëheqësit të republikanëve mund të ndikojë tek të tjerë anëtarë të partisë së tij.

Ndërsa demokratët pritet të votojnë për fajësimin e ish-presidentin, gjasat janë të mëdha që ai të shpallet i pafajshëm në dhomën prej 100 anëtarët të ndarë 50 me 50 mes palëve. Që zoti Trump të shpallej fajtor mbi akuzën e ngritur do të nevojiteshin votat e dy të tretës së anëtarëve të Senatit.

Gjyqi në Senat ka nxjerrë në pah rrezikun e jashtëzakonshëm me të cilin u përballën ligjvënësit më 6 janar, ndërsa zoti Trump u bëri thirrje ndjekësve të tij të marshonin drejt Kapitolit, në një përpjekje për të parandaluar ligjvënësit që të çertifikonin ditoren e tij ndaj demokratit Joe Biden në zgjedhjet presidenciale.Si pasojë pesë persona humbën jetën.

Pamje filmike të marra nga kamerat e sigurisë të cilat u paraqitën gjatë procesit të gjykimit tregonin se protestuesit ishin afruar shumë pranë e duke vendosur në rrezik ligjvënësit ndërsa ata po evakuoeshin nga Senati dhe Dhoma e Përfaqësuesve.

Në shënjestër të protestuesve ishte edhe Nënpresidenti Mike Pence, i cili më herët gjatë asaj dite kishte refuzuar kërkesën e zotit Trump për të ndërhyrë në procedurat për çertifikimin e rezultatit të zgjedhjeve.

Në një postim në Tëitter zoti Trump kritikoi zoti Pence për mungesë “guximi” menjëherë pasi senatori republikan Tommy Tuberville kishte njoftuar zotin Trump se nënpresidenti po evakuohej për arsye sigurie.

Avokatët e zotit Trump dhanë përgjigje kontradiktore të premten kur u pyetën nëse zoti Trump e dinte se zoti Pence ishte në rrezik kur publikoi postimin e tij. Disa senatorë republikanë thanë se ata kishin ende pyetje në lidhje me rolin e zotit Trump në sulmin e dhunshëm në Kapitol.

“Çështja është se cili ishte qëllimi i presidentit? Për këtë gjë vetëm presidenti mund të përgjigjej. Dhe presidenti zgjodhi të mos e bëjë”, u tha gazetarëve senatori republikan Bill Cassidy. Ai shtoi se nuk e kishte ndarë ende mendjen se si të votonte. Ish-Presidenti Trump e hodhi poshtë kërkesën e prokurorëve të çështjes për të dëshmuar në gjyqin e tij.