Supremja miraton kërkesën e VV-së për numërimin e 1806 pakove me vota të diasporës

Gjykata Supreme e Kosovës, ka miratuar ankesën e Lëvizjes Vetëvendosje për numërimin e 1806 pakove të ardhura nga diaspora.

Në vendimin që ka siguruar KTV, thuhet se “është miratuar ankesa e VV, dhe detyrohet KQZ-ja që të bëjë verifikimin dhe numërimin e 1806 pakove”.

Lëvizja Vetëvendosje, ditë më parë ka ushtruar sërish ankesë në Gjykatë Supreme lidhur me pakot me fletëvotime nga bashkatdhetarët që, siç thotë kjo parti, i dërguan me kohë fletëvotimet e tyre.