Thaçi: Drejtësia për vëllezërit Bytyçi do të vihet në vend

Presidenti i vendit, Hashim Thaçi, ka mirëpritur miratimin e rezolutës për ndriçimin e vrasjes së vëllezërve Bytyçi nga Senati amerikan.

Ai tha se kjo mundëson që të shtyhet përpara çështja në instancat më të larta të SHBA-së, sikurse që është inkurajim për vazhdimin e kërkimit të drejtësisë për të gjitha viktimat e regjimit serb në Kosovë.

Postimi i Thaçit:

E mirëpres miratimin e rezolutës “Bytyçi” nga Senati i SHBA-së, që shpreh pakënaqësi me vonesat që po bën Serbia në dënimin e fajtorëve për vrasjen e vëllezërve Bytyçi nga aparati shtetëror serb në vitin 1999. Kjo mundëson që të shtyhet përpara çështja në instancat më të larta të SHBA-së, por gjithashtu tregon se kur është në pyetje Kosova, SHBA-ja është një, pa dallime partiake. Për ne është inkurajim që të vazhdojmë të kërkojmë drejtësi për të gjitha viktimat e regjimit serb në Kosovë dhe se drejtësia për vëllezërit Bytyçi më në fund do të vihet në vend. HTH