U përpoqën të fusin heroinë në burg, policia arreston dy të rinjtë

Policia tha të enjten se mundi të arrestojë në flagrancë M.D (24 vjeç) dhe A.M (19 vjeç) teksa po përpiqeshin të fusnin heroinë në paraburgimin e Beratit.

Ata e kishin fshehur drogën në rroba dhe si vizitorë po kërkonin të takoheshin me një të arrestuar.

Mirëpo droga iu është gjetur gjatë kontrollit rutinë nga punonjësit e burgut.

Pas pikasjes dhe verifikimit të tyre, 24-vjeçari M.D rezultoi me precedencë penale, i dënuar më parë për vjedhje. Të dy tashmë do të përballen me akuzën e “prodhimit dhe shitjes së narkotikëve” si dhe me “futjen e sendeve të ndaluara në burgje”.

Burgu i Beratit është hapur në vitin 2007 dhe ofron kryesisht shërbimin e paraburgimit për rreth 37 persona. Ai gjendet në qendër të qytetit në mjediset e komisariatit të policisë./en/

Tags: ,