Vdes një qytetar nga Kamenica nga COVID-19, lajmin e jep kryetari Kastrati

Qëndron Kastrati, kryetar i Kamenicës përmes një postimi të bërë në FB njofton se një person nga kjo komunë ka vdekur nga COVIDI-19.

Ky është postimi i plotë:

Sapo u njoftuam nga IKSHPK-ja se qytetari J.H i prekur nga #COVID19, ka ndërruar jetë në Spitalin Rajonal të Gjilanit.

Ky është rasti i dytë në komunën tonë i humbjes së jetës si pasojë e virusit SARS-CoV-2. Këto dy raste duhet të na vetëdijësojnë që kujdesin ndaj parandalimit të pandemisë ta vazhdojmë edhe më tej.

Uroj që rastet e tilla të jenë të fundit për komunën tonë, kurse apeloj te të gjithë t’i respektojnë tri udhëzimet kyç në parandalimin e virusit SARS-CoV-2. Pra #mbanimaskën, #respektojenidistancën dhe #pastroniduart.

Ngushëllime të sinqerta familjes!