Vdes tifozi i “Plisave”, i aksidentuar para disa ditësh në Fushë Kosovë

Anëtari i Plisave, Genc Gara, ka vdekur sot pas një beteje disa ditore për jetë. Lajmin e kanë konfirmuar vet Plisat përmes një njoftimi në rrjetin social Facebook.

“Pas një beteje disa ditore për jetë, sot Plisat, Prishtina dhe kombëtarja jonë, do të kenë një anëtar më pak”, kanë shkruar Plisat.

Gara ditë më parë ishte goditur nga një veturë në Fushë-Kosovë dhe për një periudhë kohore ishte në gjendje kome.

“Me pikëllim të thellë ju njoftojmë se Genc Gara pak orë më parë ka ndërruar jetë. Ditë më parë Genci u godit nga një makinë në Fushë Kosovë.

Varrimi i të ndjerit do të bëhet nesër prej orës 14:00, në varrezat e qytetit në Prishtinë.

Ngushëllime familjes, miqve dhe Plisave!”, kanë njoftuar Plisat.