Veseli publikon pamje: Si ishin spitalet para se PDK të merrte Ministrinë e Shëndetësisë dhe si janë sot

Kryetari i PDK-së, Kadri Veseli, ka publikuar pamje nga spitalet e Kosovës për të treguar dallimin, siç thotë ai, që ka bërë partia e tij.

Veseli ka thënë se masat antikorrupsion e ilustrojnë më së miri transformimin që ka ndodhur në shëndetësi, shkruan Reporteri.net.

Postimi i plotë i Veselit:

Vendosmëria ime dhe e PDK-së për të luftuar seriozisht korrupsionin dëshmohet më së miri me punën e bërë në Ministrinë e Shëndetësisë. Falë nismave antikorrupsion të ndërmarra nga kjo ministri, ne kemi garantuar çmime të njëjta në çdo barnatore, duke i kursyer qytetarëve së paku 10 milionë euro.

Po ashtu, kemi shmangur abuzimet me barnat që blihen nga spitalet, duke shpenzuar 6 milionë euro më pak. Me këto para që kemi kursyer, ne kemi investuar në pajisje moderne, ambiente cilësore dhe kushte bashkëkohore për pacientët tanë.

Këto fotografi të bëra para dhe pas këtyre masave antikorrupsion e ilustrojnë më së miri transformimin që është duke ndodhur në shëndetësi. Mbetet ende edhe shumë për t’u bërë, por është e sigurt që jemi në rrugën e duhur.