Vetëvendosja e emocionuar me “Falemnderime” të përzemërta për mërgatën

Nga votat e numëruara nga elektorati i Diasporës del se nga 100 për qind e votuesve kanë votuar mbi 70 per qind për Levizjen Vetëvendosje, e që kjo e fundit ka “FALEMNDERUAR” mërgatën me fjalët si më poshtë.

“78.51% të votave nga mërgata janë për Lëvizjen VETËVENDOSJE!. Në mënyrë plebishitare bashkatdhetarët tanë, me besim e përkushtim, në referendumin e 14 shkurtit janë deklaruar se janë për ndryshime në vend.”, thuhet në postimin e Levizjes Vetëvendosje në Facebook, përcjell LAJME365.

Falemnderime të përzemërta për mërgatën, për të gjithë ata që aplikuan por nuk mbërritën të regjistrohen, ata që pavarësisht afatit të shkurtër dërguan fletvotimet, ata që pavarësisht vështirësive na votuan dhe na dhanë mbështetje.

Qeveria e re, e drejtuar nga kryeministri në ardhje Albin Kurti, do të kujdeset që ata të mos kenë më pengesa në ushtrimin e të drejtës së tyre për të votuar. Krejt dhe Drejt, sepse siç e pamë bashkë mund t’i jetësojmë aspiratat tona për një Kosovë më mirë, më të drejtë, e të zhvilluar çfarë e dëshirojmë si qytetarë të kësaj Republike.”-thuhet në postimin e Levizjes./lajme365.com