Zëvendës Presidenti i Parlamentit Evropian në përkrahje të Vjosa Osmanit

Zëvendës Presidenti i Parlamentit Evropian, Rainer Wieland, uron Vjosa Osmanin për nominimin e saj si kandidate e Lidhjes Demokratike të Kosovës për kryeministre.

Politikani gjerman i Unionit Kristian Demokrat, Weiland, në letrën e tij dërguar Vjosa Osmanit, ka shkruar “Me përvojën tuaj dhe angazhimin e vazhdueshëm kundër korrupsionit dhe keqmenaxhimit – dhe me LDK-në si një nga partitë politike më të vjetra dhe më të mëdha në Kosovë – jam i sigurt që rruga për sukses është shtruar”.

Kjo është letra të cilin Zëvendës Presidenti i Parlamentit Evropian Weiland ia ka dërguar Vjosa Osmanit:

“E nderuara znj. Osmani, e nderuara kolege,

Dua të shfrytëzoj këtë mundësi të ju uroj sinqerisht për nominim tuaj nga LDK-ja për postin e Kryeministres! Rezultati madhështor i zgjedhjes brenda LDK-së për nominimin tuaj ka treguar mbështetjen dhe besimin e partisë suaj.

Me përvojën tuaj dhe angazhimin e vazhdueshëm kundër korrupsionit dhe keqmenaxhimit – dhe me LDK-në si një nga partitë politike më të vjetra dhe më të mëdha në Kosovë – jam i sigurt që rruga për sukses është shtruar.

Jam i kënaqur që kam pasur rastin të takohem me ju disa herë dhe herën e fundit gjatë qëndrimit tim të fundit në Kosovë në qershor 2019.

Unë do të udhëtoj për në Kosovë në fillim të zgjedhjeve dhe shpresoj që do të kemi rastin të takohemi dhe të diskutojmë projektet e ardhshme.

Ju dëshiroj gjithë të mirat, shumë sukses, dhe ky nominim historik do të ju bëjë Kryeministren e parë grua në Kosovë.

Sinqerisht i juaji,
Rainer Wieland.”

Image may contain: text